ಮಕ್ಕಳ ಕಣ್ಣಿನಿಂದ ಹೊಲೊಕಾಸ್ಟ್ !

I dont think of All the misery, but of the beauty that still remains. ~Anne Frank.

Anne Frank ಹೆಸರು ಕೇಳದವರು ಇದ್ದಾರೆಯೇ? 14 ವರ್ಷದ ಯಹೂದೀ ಹುಡುಗಿ ತನ್ನ ಡೈರಿಯಿಂದ ಇಂದು ವಿಶ್ವ ಪ್ರಸಿದ್ದಳು. ಅವಳೇ ತನ್ನ diary ಅಲ್ಲಿ ಬರೆದಿರುವಂತೆ "ನಾನು ತೀರಿದ ನಂತರವೂ ಜನರ ಮನದಲ್ಲಿ ಬದುಕಿರುವಂತಹದದನ್ನು ಮಾಡಬೇಕು" Anne ಬರೆದ ಮಾತುಗಳು ಅವಳ ವಿಷಯದಲ್ಲಿ ಅಂತೂ ನಿಜವಾಗಿದೆ. ಪ್ರಪಂಚದಾದ್ಯಂತ ಜನರೆಲ್ಲರ ಮನದಲ್ಲಿ Anne ಇಂದಿಗೂ ಜೀವಂತವಾಗಿದ್ದಾಳೆ, ಅವಳ ಡೈರಿಯ ಹಾಗೆ.

ಸುಮಾರು ನನ್ನದೇ ವಯಸ್ಸಿನವಳಾಗಿದ್ದ (14) ಇವಳು ಮನಕ್ಕೆ ನಾಟುವಂತೆ ಅದ್ಬುತವಾಗಿ ಬರೆದಿದ್ದಾಳೆ. ತನ್ನ ಹದಿಮೂರನೇ ವರ್ಷದ ಹುಟ್ಟುಹಬ್ಬಕ್ಕೆ ಉಡುಗೊರೆಯಾಗಿ ಸಿಕ್ಕ diary ಅಲ್ಲಿ ದಿನನಿತ್ಯದ ಘಟನೆಗಳನ್ನೇ ಬರೆಯುತ್ತಾ ಹೋಗುವ ಇವಳ ಡೈರಿ ಮೊದಮೊದಲು ಸ್ವಲ್ಪ ಬೋರು ಹೊಡೆಸಿದರೂ ಎರಡನೇ ಭಾಗದಲ್ಲಿ ರಾಜಕೀಯ ವಿಷಯಗಳು, ತನ್ನ ಅಡಗುತಾಣವಾಗಿದ್ದ The Secret Annex ನಲ್ಲಿ ಇರುವಾಗಿನ ಒಂಟಿತನ, ಅಕ್ಕ Margot ನ ರೀತಿ ತಾನೂ ಬುದ್ಧಿವಂತಳಾಗಿದ್ದರೆ ಎಂಬ ಯೋಚನೆ, ಕಾಮಿಕ್ ಒಂದರ ಪಾತ್ರ kitty ಗೆ ಪ್ರತಿದಿನ ಬರೆಯುತ್ತಿದ್ದ ಪತ್ರ, ಯಹೂದಿಗಳ ಮೇಲೆ ನಡೆಯುತ್ತಿದ್ದ ದಬ್ಬಾಳಿಕೆ ಎಲ್ಲವನೂ ತನ್ನ ವಿಶಿಷ್ಟ ಬರವಣಿಗೆ ಶೈಲಿಯಲ್ಲಿ ಸುಂದರವಾಗಿ ಬರೆಯುತ್ತಾ ಹೋಗುತ್ತಾಳೆ. ಈ Anne Frank ಮೂಲ ಜರ್ಮನಿಯವಳಾದರೂ ನಂತರ ಹಿಟ್ಲರನ ನಿಯಮಗಳಿಂದ ಪಕ್ಕದ Netherlands ಗೆ 1934ರಲ್ಲಿ ಬಂದು ನೆಲೆಸಿದ್ದಳು. ನಂತರ ನೆದರ್ಲ್ಯಾಂಡ್ಸ್ ಕೂಡ 1941ರಲ್ಲಿ ನಾಜಿಗಳ ಕೈವಶವಾಯಿತು. ಯಹೂದಿಗಳ ಮೇಲೆ ಇನ್ನೂ ಹೆಚ್ಚಿನ ನಿರ್ಬಂಧನೆಗಳು ಬಂದವು. ಅದೇ ವರ್ಷ ಹಿಟ್ಲರ್ ಯಹೂದಿ ಶ್ರಮ ಶಿಬಿರಗಳನ್ನು ಶುರುಮಾಡಿದ. ಆಮ್ ಸ್ಟರ್ ಡ್ಯಾಮ್ ನಲ್ಲಿದ್ದ ಯಹೂದಿಗಳಿಗೆ ದೇಶ ಬಿಟ್ಟು ತೆರಳುವಂತೆ ಆಜ್ನೆ ಆಯಿತು. ಆದರೆ ಅವಳ ಅಕ್ಕನಿಗೂ ಅದೇ ಸಮಯಕ್ಕೆ ಶ್ರಮಶಿಬಿರಕ್ಕೆ ತೆರಳುವಂತೆ ಆದೇಶ ಬಂತು.ಈ ರೀತಿ ಇನ್ನೂ ಹಲವು ಜನ ಇಂತಹ ಅಡಗುದಾಣಗಳಲಲ್ಲಿ ಅಡಗಿದ್ದರು. Anne ಇವರಲ್ಲಿ ಒಬ್ಬಳಷ್ಟೇ. Anne ಳ ಕುಟುಂಬದವರು ಮತ್ತೊಂದು ಯಹೂದೀ ಕುಟುಂಬವಾದ van dan ಕುಟುಂಬದ ಜೊತೆ Secret Annex ಎಂಬಲ್ಲಿ ಅಡಗಿದ್ದಳು. ಆ ಅಡಗುತಾಣದಲ್ಲಿ ಬರೆದದ್ದೇ ಈ ಡೈರಿ. ಇದನ್ನು ಯುದ್ಧದ ನಂತರ ಪುಸ್ತಕದ ರೂಪದಲ್ಲಿ ಪ್ರಕಟಿಸಬೇಕು ಎಂಬ ಯೋಚನೆಯೂ ಅವಳಲ್ಲಿ ಇತ್ತು ಎನ್ನುವ ಮಾಹಿತಿಯೂ ಇದೆ. Annexನಲ್ಲಿ ಒಟ್ಟು 8 ಜನ ಯಹೂದಿಗಳು ಅಡಗಿದ್ದರು, ಅದೂ ಸುಮಾರು 2 ವರ್ಷಗಳ ಕಾಲ!

Anne (13), Margot (16), Peter (16) ಈ ಮೂರು ಜನ ಅಲ್ಲಿದ್ದವರಲ್ಲಿ ಮಕ್ಕಳು. Anne ಹದಿಮೂರು ವರ್ಷದಿಂದ ತನ್ನ 15ನೇ ವರ್ಷದ ವರೆಗೆ ಅಲ್ಲಿ ಅಡಗಿದ್ದಳು. ನಂತರ ದುರದೃಷ್ಟವಾತ್ 1944 ರಲ್ಲಿ ಇವರೆಲ್ಲರೂ ಸಿಕ್ಕಿಬಿದ್ದು ಶ್ರಮಶಿಬಿರಕ್ಕೆ ಇವರನ್ನು ರವಾನಿಸಲಾಯಿತು. Anne ಮತ್ತು ಅವಳ ಅಕ್ಕ Margot ಅನ್ನು ಜರ್ಮನಿಯ ಬೆರ್ಗರ್ ಬೆಲ್ಸನ್ ಶ್ರಮಶಿಬಿರಕ್ಕೆ ಸಾಗಿಸಲಾಯಿತು. ಅಲ್ಲಿಯೇ 1945 ರಲ್ಲಿ Anne ಮತ್ತು ಅವಳ ಅಕ್ಕ ತೀರಿಕೊಂಡರು. ಅಡಗಿದ್ದವರಲ್ಲಿ ಬದುಕಿ ಉಳಿದಿದ್ದು Anne ಳ ತಂದೆ Otto Frank ಒಬ್ಬರೇ. Anne ಡೈರಿಯನ್ನು ಅವರು 1947 ರಲ್ಲಿ 'The Secret Annex' ಎಂಬ ಹೆಸರಿನಲ್ಲಿ ಪ್ರಕಟಿಸಿದರು.ನಂತರ 1960 ರಲ್ಲಿ Secret Annex ಅನ್ನು ಸಂಗ್ರಹಾಲಯವನ್ನಾಗಿ ಮಾಡಲಾಯಿತು. ಈಗಲೂ ಸಾಯ ಅವಳ ಡೈರಿ, ಆ ಅಡಗುತಾಣ ಎಲ್ಲವನ್ನೂ ಸಂರಕ್ಷಸಲಾಗಿದೆ, ಘೋರ ಇತಿಹಾಸದ ತುಣುಕಾಗಿ....

ಗಾಂಧಿಯ ಉಲ್ಲೇಖ : ವಿಶೇಷವೆಂದರೆ Anne ರಾಜಕೀಯ ಸ್ಥಿತಿಗತಿಗಳ ಬಗ್ಗೆ ಬರೆಯುವಾಗ ಒಮ್ಮೆ ಗಾಂಧಿಯ ಉಲ್ಲೇಖವನ್ನೂ ಮಾಡುತ್ತಾಳೆ. “Gandhi, the champion of Indian freedom is one of his umpteenth hunger strikes’’ ಎಂದು ಬರೆಯುತ್ತಾಳೆ. ಹಾಗೆಯೇ ಮುಂದಿನ ಪುಟದಲ್ಲಿ ಗಾಂಧಿ ಈಗ ಸತ್ಯಾಗ್ರಹ ನಿಲ್ಲಿಸಿದ್ದಾರೆ ಎಂದೂ ಬರೆದಿದ್ದಾಳೆ. ಇಂತಹ ಇನ್ನೂ ಹಲವು ಕುತೂಹಲಕಾರಿ ವಿಷಯಗಳನ್ನು ನಾವು ಪುಸ್ತಕದಲ್ಲಿ ಕಾಣಬಹುದು.

Anne ಳ ಡೈರಿ ಕೇವಲ ಒಂದು ಸಾಧಾರಣ ಡೈರಿ ಅಲ್ಲ. ಅದೊಂದು ಜಗತ್ತು ಮರೆಯಲು ಪ್ರಯತ್ನಿಸುವ ಒಂದು ಘೋರ ಇತಿಹಾಸದ ಸಾಕ್ಷಿ. ಇವಳ ಹಾಗೆ ಇನ್ನೂ ಹಲವು ಯಹೂದೀ ಮಕ್ಕಳು ಇವಳ ಹಾಗೆಯೇ ಬರೆದಿರುವ ಡೈರೀ ತುಣುಕುಗಳು ಇವೆ. ಉದಾಹರಣೆಗೆ Moshe Flinker,Petr Ginz,Elsa Binder ಮುಂತಾದ ಮಕ್ಕಳು ಡೈರಿ ಬರೆದಿದ್ದಾರೆ. ಇದು ಮಕ್ಕಳ ಕಣ್ಣಿಂದ ಹೊಲೋಕಾಸ್ಟ್ !

ಒಂದು ಯುದ್ಧ ಏನೆಲ್ಲ ಬದಲಿಸಬಹುದು ಎಂಬುದಕ್ಕೆ Anneಳ ಡೈರಿ ಉತ್ತಮ ಉದಾಹರಣೆ. ಅದೆಷ್ಟೋ Anneಗಳು ಇಂತಹ ಯುದ್ಧದ ನಡುವೆ ಸಿಕ್ಕಿ ನಲುಗಿದವರಿದ್ದಾರೆ, ಅದರ ನಡುವೆಯೇ ಎದ್ದು ಬಂದವರಿದ್ದಾರೆ, ಹೊಲೋಕಾಸ್ಟ್ ಅನ್ನು ದಾಟಿ ಬಂದವರಿದ್ದಾರೆ.....ನಮ್ಮ ಲ್ಲಿಯೇ ನೋಡಿದರೆ ದೇಶ ವಿಭಜನೆಯ ಸಮಯದಲ್ಲಿ ತೀರಿಕೊಂಡವರಿದ್ದಾರೆ , ಅದನ್ನು ಪಾರುಮಾಡಿದವರಿದ್ದಾರೆ.. ನಮ್ಮ ನಡುವೆಯೇ ಅದೆಷ್ಟೋ Anne Frank ಗಳೂ ಇದ್ದಾರೆ!