ಎಲ್ಲಿಂದಲೋ ಬಂದವರು !

  ಯಾವುದೋ ದೂರದೇಶದಿಂದ ಬಂದು ನಮ್ಮವರಲ್ಲಿ ಒಂದಾಗಿ ನಮ್ಮವರಂತೆ ಇದ್ದು ಮರಳಿದವರು ಹಲವರಿದ್ದಾರೆ. ನಮ್ಮ ಮನೆಗೆ  ಹೀಗೆ ಬರುವ ಹಲವಾರು ವಿಧ್ಯಾರ್ಥಿಗಳು, ಪ್ರವಾಸಿಗರು, ಸಂಶೋಧಕರು ಮುಂತಾದವರಲ್ಲಿ ಹಲವರು ನಮ್ಮವರಲ್ಲಿಯೇ ಒಂದಾಗಿದದು ನಮ್ಮವರೇ ಎನಿಸುವಷ್ಟು ಆಪ್ತರಾಗಿರುವವರೂ ಇದ್ದಾರೆ. ಅಂತವರಲ್ಲಿ ಕೆಲವರ ಬಗ್ಗೆ  ಇಲ್ಲಿ ಸ್ವಲ್ಪ ಮಾಹಿತಿ ಇದೆಯಷ್ಟೆ. 

Photo by Sayan Nath on Unsplash

Lisa Andresen : 

ಈಕೆ ನಮ್ಮ ಮನೆಗೆ ಬಂದಿದ್ದು ತನ್ನ m.sc  thesisನ ಕೆಲಸಕ್ಕಾಗಿ ಭಾರತಕ್ಕೆ ತನ್ನ ಸಬಾಟಿಕಲ್ ಗಾಗಿ ಮೊದಲೂ  ಬಂದಿದ್ದ ಇವಳು ಕುಂದಾಪುರದಲ್ಲಿ ಇದ್ದಿದ್ದಳು.  ಬಂದಿದ್ದು 2018 ರ ಅಂತ್ಯದಲ್ಲಿ  ಅಂದರೆ ಡಿಸೆಂಬರ್ ಸಮಯದಲ್ಲಿ. ಇಂದಿಗೂ ನಮ್ಮ ಕುಟುಂಬದ ಜೊತೆ ಹೆಚ್ಚು ಸಂಪರ್ಕದಲ್ಲಿರುವವರಲ್ಲಿ ಲೀಸಾ ಕೂಡಾ ಒಬ್ಬಳು. ಇವಳು ಬಂದ ಸಮಯದಲ್ಲಿ ಊರಲ್ಲಿ ಯಕ್ಷಗಾನ , ತಾಳಮದ್ದಳೆಯ ಸಮಯ. ಶಾಲೆಯಲ್ಲಿ ಕ್ರಿಸ್ಮಸ್ ದಿನವೇ ಗ್ರಾಮೋತ್ಸವ ಹಾಗೂ  ಕಲಿಕೋತ್ಸವವೂ ಇತ್ತು. ಅಂದು  ಎಲ್ಲರ ಜೊತೆಗೂ ಎಲ್ಲಾ ಚಟುವಟಿಕೆಗಳಲ್ಲಿಯೂ ಭಾಗವಹಿಸಿದ್ದಳು. ಮೋಜೀನ ಆಟದ ಸ್ಪರ್ಧೆಯೊಂದರಲ್ಲಿ  ಊರಿನವರ ಪರವವಾಗಿ ಆಟವಾಡಿ ಒಂದು ಬಹುಮಾನವನ್ನೂ ಗೆದ್ದುಕೊಂಡಿದ್ದಳು. ಈಗಲೂ ಕ್ರಿಸ್ಮಸ್ ದಿನದಂಡು ನಮಗೆ  ಒಂದು ಪತ್ರದೊಂದಿಗೆ ಏನಾದರೂ chocolate ಅಥವಾ ಮತ್ತೇನಾದರೂ ಉಡುಗೊರೆಯನ್ನು ಕಳಿಸಕೊಡುತ್ತಾಳೆ. ಅವಳ ತಂಗಿಯರ ಜೊತೆಗೆ ಆಗಾಗ ಪತ್ರ ವಿನಿಮಯವೂ ಆಗುತ್ತಿರುತ್ತದೆ.

    ನಮಗೆ ligretto ಎಂಬ ಹೊಸ ಆಟವನ್ನು ಪರಿಚಾಯಿಸಿದವಳು ಇವಳು .ಈಗಲೂ ಇದು ನನಗೆ ಮೆಚ್ಚಿನ ಆಟ. ನಂತರ ಮತ್ತೆ ಕುಂದಾಪುರಕ್ಕೆ ಹೋದಾಗ ನಮ್ಮೂರಿನ ಗ್ರಾಮೋತ್ಸವಾದ ಫೋಟೊಗಳನ್ನು ಪೋಸ್ಟ್ನಲ್ಲಿ  ಕಳಿಸಿದ್ದಳು. ಅವಳು ಭಾರತದಲ್ಲಿ ಓಡಾಡಿರುವಷ್ಟು, ನಾವೂ ಸಹ ಓಡಾಡಿದಲ್ಲವೇನೋ! ಅಮ್ಮನೊಂದಿಗೆ ಸೇರಿ ಕ್ರಿಸ್ಮಸ್ ನಂದು ginger bread ಮಾಡಿದ್ದಳು. ಒಮ್ಮೆ, ನನಗೆ ನಿಶಾಚರಿ ಪ್ರಾಣಿಗಳ ಮಂಡಲ ಕಲರಿಂಗ್ ಬುಕ್ ಕೊಟ್ಟಿದ್ದಳು. ನಂತರ ವಾಪಸು ಜರ್ಮನಿಗೆ ಹಿಂತಿರುಗಿದ ನಂತರ ಬೆಂಡೆಕಾಯಿ ಪಲ್ಯ, ರೋಟಿಗಳನ್ನು ಮಾಡಿ ನಮಗೆ ಫೋಟೋ ಕಳಿಸಿದ್ದಳು. ನಮಗೆ ಅತ್ಯಂತ ಆಪ್ತವಾಗಿರುವ ವಿದೇಶಿಗರಲ್ಲಿ ಲೀಸಾ ಕೂಡಾ ಒಬ್ಬಳು.

swedish pepper coker made by my mother and Lisa

ಅದೇ ರೀತಿ ನಾನು 5-6 ವರ್ಷದವಳಿದ್ದಾಗ ಬಂದವರಲ್ಲಿ ಸೋಫಿ ಕೂಡಾ ಒಬ್ಬಳು. ಈಕೆಯೂ ಜರ್ಮನಿಯವಳೆ. ನನಗೆ choco butter , play dough ಗಳನ್ನು ಪರಿಚಯಿಸಿದವಳು. ಜೊತೆಗೆ ನನ್ನ ಮೊದಲ ಇಂಗ್ಲೀಶ್ ಪುಸ್ತಕವೂ ಇವಳು ಕೊಟ್ಟಿದ್ದೆ! ಅವಳು ಕೊಟ್ಟ Alice in the wonderland picture book ಈಗಲೂ ನನ್ನ ತಮ್ಮ ಓದುತ್ತಾನೆ.

ನಮ್ಮನೆಗೆ ಬಂದವರಲ್ಲಿ ವಿಧ್ಯಾರ್ಥಿಗಳು ಹಾಗೂ ಸಂಶೋಧಕರೆ ಹೆಚ್ಚು, ಆದರೆ ಅವರೆಲ್ಲರೂ ನಮಗೆ ಅತ್ಯಂತ ಆಪ್ತರಾಗಿದ್ದವರೆ. ಅಪ್ಪನ ಸಹಪಾಟಿಯಾಗಿದ್ದ ಚೀನಾದ ಹರಾನ್ ಎಂಬಾಕೆ ನಮ್ಮ ಮನೆಗೆ ನಾನು ಚಿಕ್ಕವಳಿದ್ದಾಗ ಬಂದಿದ್ದಳು. ಇವಳೂ ಸಹ ನಮಗೆ ಅತ್ಯಂತ ಆಪ್ತರಾಗಿರುವವರಲ್ಲಿ ಒಬ್ಬಳು. ಮೊದಲು ಬಂದಾಗ ನಮ್ಮ ಬಾಲೀವುಡ್ ಚಿತ್ರಗಳನ್ನು ನೋಡಿದ್ದ ಈಕೆ ಆ ಚಿತ್ರಗಳಲ್ಲಿನ ನೃತ್ಯ ನೋಡಿ , ಭಾರತದಲ್ಲಿ ದಿನಾ ನೃತ್ಯ ಮಾಡುತ್ತಾರೆ ಎಂದು ಭಾವಿಸಿದ್ದಳು! ಜೊತೆಗೆ ನಮ್ಮ ಜೊತೆ ಹತ್ತಿರದ ಪೇಟೆಗೆ ಹೂದಾಗ ಬೈಕ್ ನಿಂದ ಎಲ್ಲರೂ ಒಟ್ಟಿಗೆ ಬಿದ್ದದ್ದು,ಹೀಗೆ ಹಲವಾರು ಸವಿನೆನಪುಗಳಿವೆ.

ಇನ್ನೊಬ್ಬಳು ತಾಯ್ದಾ.ಈಕೆ ಕ್ರುವೇಶಿಯದವಳು . ಇವಳು ಬಂದಿದ್ದು ನಾನು 2011 ರಲ್ಲಿ . ಗೆರಮಣಿಯಲ್ಲಿ ಅಪ್ಪನ ಸಹಪಾಟಿಯಾಗಿದ್ದವಳು. ಇತ್ತೀಚೆಗೆ (ಕೋರೋನಾ ಬರುವ ಮುಂಚೆಯೇ) ಒಂದು ಪತ್ರ ಬರೆದಿದ್ದಳು. ಜೊತೆಗೆ ಚಾಕ್ಲೆಟ್ ಗಳನ್ನೂ ಕಳಿಸಿದ್ದಳು. ನಿಜ ಹೇಳಬೇಕೆಂದರೆ, ನನಗೆ ಪತ್ರ ಗಳ ಬಗ್ಗೆ ಆಸಕ್ತಿ ತಂದಿದ್ದೇ ಇಂತಹ ಪತ್ರಗಳಿಂದ!

ಇನ್ನೊ ಹಲವಾರು ಜನರಿದ್ದಾರೆ.ಜರ್ಮನಿಯ ಲೀನ ಮತ್ತು ಸೆಬಾಸ್ಟಿಯನ್, Alyosha.. ಹೀಗೆ ಇನ್ನೂ ಹತ್ತಾರು ಜನರಿದ್ದಾರೆ. ಕೋರೋನಾ ಇಲ್ಲದಿದ್ದರೆ ಈ ಲಿಸ್ಟ್ ಗೆ ಇನ್ನು ಹೆಚ್ಚು ಜನ ಸೇರಬಹುದಿತ್ತು.